كيك الزبادى بالبرتقال وصوص البرتقال
اروع كيك الزبادى بالبرتقال وصوص البرتقال
اسهل كيك هش ومرتفع وريحته وطعمه حكاااية
مع بعض النصائح لضمان نجاح الكيك
- ولما تجربوه بطريقتى هيعجبكم جداااااا
المقادير والطريقة تحت فى الصور
لضمان نجاح الكيك
١-تناسب المقادير الجافة مع السائلة
٢-استخدام بيكنج بودر او محسن كيك نوعه جيد ومناسب لمقدار الدقيق
٣-كل كوب دقيق عليه معلقة صغيرة بيكنج بودر
٤-استخدام دقيق فاخر منخول
٥-خلط البيض مع السكر والفانيليا جيدا
٦-اضافة معلقة صغيرة خل لخليط الكيك
٧-يمكن اضافة معلقة من النشا للدقيق
٨-افضل انواع الخامات للتسوية الالومنيوم
٩-التسوية فى فرن مسبق التسخين على ١٨٠’
١٠-عدم فتح الفرن على الكيك قبل مرور نصف ساعة
المقادير والمكونات :
٣كوب دقيق
٢ كوب سكر
٤ بيض
كوب زيت على سمنة
كوب زبادى(علبتين)
معلقة كبيرة بشر برتقال
فانليا
معلقة صغيرة خل
(صوص البرتقال)
كوب ونص عصير برتقال محلى
معلقة صغيرة نشا
فانيليا
(هنخلطهم على النار للحصول على صوص البرتقال)
*الطريقة:
هنخلط البيض مع السكر والفانيليا والخل جيدا وبشر البرتقال
ونضيف الخليط عل الدقيق والبيكنج بودر
نكون مجهزين صنيه مقاس ٢٦ او ٢٨ ومدهوتة سمنه وعلى فرن مسبق التسخين ١٨٠ درجة
وقت التسوية ٤٥ دقيقة
ولما تستوى وتبرد شوية اضيف صوص البرتقال وبالف هنا وشفا
