مرقة الدجاج
اعملوها في البيت يا ستات البيوت القمرات
طريقتها سهله خالص .
الاساس عندك شوربة تكون حلوة ومخدومه كويس
( وياسلام لو مسلوق معاها جزر وكوسة وبصل وحباية طماطم وعودين كرفس تبقا تحفة ..
واضربيهم في الخلاط وصفيها ) .
طريقة عمل مرقة الدجاج فاين فودز
اعملي دقيق في سمنه يكون مناسب لكميه الشوربة اللي عندك زي طريقة البشاميل
بس بدل اللبن بتحطي الشوربة .
لكن قبل ما تحطي الشوربه تبلي الدقيق مع السمنه على النار والتوابل ..
عبارة عن ملعقة صغيرة من جميع المكونات الآتية
مكونات مرقة الدجاج
( كاري .. كركم .. بابريكا .. كسبرة .. ثوم بودر ..بصل بودر ..رشة قرفة ..
ملح وفلفل .. وممكن إضافة مكعب مرق واحد لتعزيز الطعم ، وملعقة كبيرة سكر )
كل ده مع الدقيق والسمنه وشوحيه ع النار وصبي الشوربة
وقلبي بالمضرب اليدوي كويس حتى الغليان وامتزاج الخليط .
إدهني البايركس زيت وصبي الخليط
حطيه ف الفريزر ساعتين عشان يتماسك وبعدين قطعيه مكعبات
واحتفظي بيها في الفريزر لحين الاستخدام في علبه محكمة الغلق.
طبعاً التقطيع والشكل مش زي الجاهزه
لكن اهم حاجه عندنا صحة اولادنا وبجد النتيجه روعه وعجبتني جداً .
أنظف ، واكتر ، واوفر ، وصحية
- كيف اقطع المانجو ؟ .. بسهولة
- بالمقص أسرع طريقة لف ورق العنب والكرنب بدون ماكينة هتلفي …
- أسرار تتبيلة الفراخ المشوية وكيف تحصل على نكهة شهية
- أسهل وأسرع طريقه لتنضيف الكرشه والممبار بسهولة في دقيقتين
- كيفية التخلص من رائحة البصل أو الثوم من يديك