مكرونة ال١٠دقايق(المكرونةالجوسي
الأكلة الأحب إلى قلبي
باعتباري كائن مكروني

اليكم المقادير و الطريقة ( التفاصيل تحت كل صورة )

هنجيب بصلاية (صفراء) كبيرة أو رأس ثوم كامل ..
أو ميكس بين الاتنين حسب الرغبة .. وفلفلاية الوان أو رومي
أو كلاهما حسب الرغبة.. و جزراية حسب الرغبة…
نقطعهم قطع صغيرة (وليس مفرومة) ونحطهم في الحلة زي الصورة…

  • ملحوظة:

التقطيع صغير وليس مفروم عشان تبقى تيستي وطعمها محسوس

مكرونة ال١٠ دقايق ( المكرونة الجوسي )

هنضيف ٧٠٠-٨٠٠ جرام مكرونة حلق كبير
(عشان المكونات تخترق الحلق وتغوص جواها )
أو كيس ونص .. ونحطهم في الحلة مع اضافة كوب زيت او المقدار حسب الرغبة…
النار مش هتشتغل خالص الا في المرحلة اللي اتكلمت عليها

مكرونة ال١٠ دقايق ( المكرونة الجوسي )

هنضيف عصير الطماطم بعد عصره (الكمية حسب الرغبة)
هنا انا عصرت ٥ حبات طماطم من الحجم الوسط

مكرونة ال١٠ دقايق ( المكرونة الجوسي )
  • التواااااابل بقى

طبعا كل واحد يزوق الوجبة بالتوابل حسب الرغبة
انا شخصيا حطيت الاتي : ( ملح وفلفل اسود و بهارات “ال٧بهارات”
+ صوص صويا + نعناع ناشف مطحون + مكعب ماجي خضار + ٣ معالق كبيرة صلصة )
وبعدها يتم تقليب العظمة دي

مكرونة ال١٠ دقايق ( المكرونة الجوسي )

ثم نضيف مياه لحد ما نغطي جميع المحتويات بمقدار عقلتين اصبع للانسان البالغ ..
ويتم التقليب.. ثم نفتح النار..
النار يا سادة في البداية على عين واسعة ونار عالية والحلة مكشوفة …
ننتظر حتى تغلي المياه وتبقلل

مكرونة ال١٠ دقايق ( المكرونة الجوسي )

بعد المياه ما تغلي … ننقل الحلة إلى العين الأصغر ونغطي الحلة ونهدي النار على الاخر …
ثم ننتظر ربع ساعة .. نفتح ونقلب من تحت لفوق عشان التلزيق…
ثم نغطي الحلة ونتركها ١٥ دقيقة أخرى….

مكرونة ال١٠ دقايق ( المكرونة الجوسي )

عند اكتمال ٣٠ دقيقة بالتمام والكمال.. نفتح الغطاء ونقلب تاني
وهنا انت اللي هتقرر خلاص ولا محتاجة ٥ دقايق كمان..
هتحس بالجوسي وانت بتقلب.. ونطفي النار..
وتغرف أخلى طبق مكرونة جوسي في العالم
يممممممميييييييي

وبألف هنا وشفا عليكم
متنسوناش من الدعوات
طاب مساؤكم

مكرونة ال١٠ دقايق ( المكرونة الجوسي )

دي صورة المنتج اللي عاوزين نوصله ان شاء الله

مكرونة ال١٠ دقايق ( المكرونة الجوسي )