خدوا المفيد واجهزوا واسحبوا نفس شديد عشان وصفه انهارده هاتعجبكم
ومش بعيد تقوموا تعملوها
التفصيل بالتنتوفه هاتلقوها تحت الصور
ديما فموضيعى بحب اشرح بالتفصيل عشان مفيش حاجه اسمها سر مهنه
ودي الوصفه اللي هاتلقوا شرحها مفصل
كبسه الفراخ ومع صلصه السحاوق اوالدقوس
ونبدا علي بكره الله
- دي التوابل المطحونه اللي بتبل بيها الفراخ فالاول
معلقه ص بابريكا
ومعلقه ص كاري
معلقه ص فلفل اسود
١/٢ معلقه ص زنجبيل بودر
١/٢ معلقه ص كركم
١ معلقه ص بهارات كبسه
١/٢ معلقه ص كسبره مطحونه
٢ معلقه ص ملح
رشه قرفه
ورشه جوزه الطيب ودي ممكن نستغني عنها لو عاوزين
- ودي التوابل الجافه اللي هاشرح استخدمها فايه بعد كده
والكميه زي ما واضح فالصوره
قرفه خشب
ورق لورا
فلفل اسود حصي
يانسون نجمه
كبابه صيني
حبات قرنفل
فلفل بابريكا حار مجفف
وحبهان مطحون لان معنديش حب سليم
ناقص فالتوابل دي خولنجان وليمون مجفف مش متوفرين
فاعملوا بالمتوفر عندكم
الخضار اللي استخدمته فالوصفه
٢ حبه جزر مبشور
٣حبات بصل
٣حبات طماطم
معلقتين كبار صلصله
المكونات المطحونه اللي بستخدمها فتتبيل الفراخ
بحط معاه ١/٢ كوب زيت واقلبهم عشان
انقع الفراخ فيهم
الفراخ مجففه من المياه تماما والتتبيله جاهزه
نقعتهم لمده ساعه علي الاقل وبدات فالطبخ
حله علي نار عاليه فيها زيت وضفت عليها التوابل الحصي
ماعدا الحبهان لانه بودر فهي تحرق
لحد ما التوابل ريحتها طلعت وهوه المطلوب اثباته
النار لسه عاليه نزلت فيها الفراخ اللي تبلتها وركنتها منقوعه شويا
لحد ما اتشمعت او خدت وش تشويح من الناحيتين شلتها فصنيه علي جنب وغطيتها
وفنفس الحله ضيفت الجزر والبصل
وفضلت اقلب فيهم لحد ما
بقوا بالشكل ده دبلو متلسعوش ولا غيروا لون
ضيفت الطماطم والصلصله
وكملت تقليب خمس دقايق بقوا زي الصوره كده
صحيح قبل ما انسي ممكن تضيفوا فلفل اخضر حامي
بيعلي التيست جدا بس مش عندي منه
مكان البوله اللي كنت ناقع فيها الفراخ حطيت مياه سخنه
عشان اضيفها علي الخضار اللي بشوحه
وده بقي شكله بعد اضافه المياه
رجعت الفراخ اللي كنت شايلها فالصنيه تاني
علي الخضار والمياه عشان تكمل تسويه
وعلي جنب كنت ناقع كيلو ونص رز اميركي حبه صغيره فمياه من الحنفيه لمده ساعه
ممكن تستخدموا البسمتي وبرده بيتنقع
اما الرز المصري مش بيتنقع بيتغسل ويتصفي علي طول
غطيت الحله وسيبت الفراخ تستوي حوالي نص ساعه
بقيت بالشكل ده استويت تمام وزي الفل
كبسة سعودية اصلية
رجعتها الصنيه تاني وهنا ممكن نسيبها ونضيف الرز بس انا مبحبش اعمل كده
لان وانا بغرف هاعاني عشان اعرف اقسم الاكل علي الناس فكده اسهل اني اشيلها
بعد ما شيلتها من المياه اللي كانت بتغلي فيها خدت مغرفه كبيره
وصبتها علي الفراخ عشان متنشف لما ادخلها الفرن تحت الشوايه فقط ربع ساعه او اقل
خلصنا مالفراخ بدات اشيل التوابل الحصي عشان خلاص خدت منها المذاق
والتيست اللي انا عاوزها فطبعا مش بتتاكل فملهاش لازمه
شيلتها وصفيت الرز من مياه النقع
بعد كده ضيفته والمياه والخضار كانوا بيغلوا
قلبتهم لحد ما تجانسوا زي ماواضح
واول ما بدات تبكيك وتغلي غطيت الرز وسيبت رز ساعه علي نار هاديه جدا
وطلعت الفراخ مالفرن وده كان شكلها
طريقة كبسة دجاج تجنن
وده شكل قعر حله الرز بعد التسويه وبعدما غرفت الاطباق للناس تاكل
جنب الكبسه في صلصله خطيره اصلها يمني بتتعمل
مكوناتها زي ما واضح
نعناع مفروم كسبره مفرومه
طماطم بشرتها مضربتهاش فالخلاط
توم ملح بابريكا حاره ورشه كمون
- ملاحظه
دى طريقتى فى عمل الدقوس بس مبحطش نعناع
ولا اى مطعم جربته فيها بيعملها بالطعامه بتاعة الطريقه دى
الكسبره فيها رهيييييييبه هى اللي مدياها كل الطعم التحفه
قلبتهم مع بعض بعدين ضيقت عليهم عصير ليمون
ورشه زيت
وده بقي شكلها النهائي
ممتعه لابعد حد والله
الاكل الحمد لله عجبني لاني بعملها بحب
وبحب شغلي ويحب افيدكم لوجه الله
اتعلمت وبعلم وهاتعلم
واخر حاجه احب اقولكم عام سعيد علينا جميعا
ودايما زايدين مش ناقصين ومتنسوش تتفعلوا مع الموضوع ياحلوين
بالمختصر المفيد
ودي الوصفه اللي هاتلقوا شرحها مفصل
كبسه الفراخ ومع صلصه السحاوق اوالدقوس
طريقة عمل كبسة دجاج رهيبه
