كوكيز القهوه Coffee cookies

نجربه بقي مع كوبايه قهوه او نسكافيه ياسلام علي المزاج العالي

مقادير بسكوت القهوة :

٢كوب وربع دقيق( المج بتاع الشاي الوسط ده مش كبير اوي ولا صغير اوي)
**كوب الاربع زبده ( وتكون طريه معانا وساقعه خفيف ينفع تتضرب بالمضرب
 مش محجره بس مش سايحه خالص ساقعه بحرار التلاجه
 ونفس الوقت طريه علي المضرب يعرف يخفقها)
**كوب الاربع سكر بودره
**ربع كوب زيت
**بيضه
**٢ معلقه كبيره نشا
**معلقه كبيره كاكاو خام
**معلقه كبيره نسكافيه ونحاول نخليه بودره ونضغط عليه بالمعلقه عشان يبقي بودره
**رشه فانليا
**ربع معلقه صغيره طرفها كده بكينج بودر منكترش خالص عشان مينفش

طريقه كوكيز حبات القهوة :

هنضرب الزبده مع السكر البودر لحد مالونهم يبقي فاتح وننزل بالبيضه والفانليا
وربع كوب الزيت ونحط المكونات الجافه علي بعض واهم نقطه ننخل المكونات دي ونحط الدقيق
بالتدريج لحد مايلم ونلاقيها متماسكه مش مشققه هنجيب معلقه الشاي الصغيره ناخد مقدار من العجين
نكوره ونحاول نعملها بالطول ع بسيط ونعمل بسيف المعلقه فتحه فيها خفيفه مش للاخر تقطعه
ونحطهم ع ورق زبده في صنيه متباعدين وبكررر منكترش بكينج بودر!!!! عشان ميبقاش
فارش كده ونتفضح
الفرن متسخن من قبلها علي ١٨٠ درجه وهيقعد حوالي ربع ساعه او ربع ساعه وخمس دقايق
بيكون طري من جواه اول مايطلع لما يبرد بيبقي ناشف ومقرمش خلي بالكم كويس عشان لاقدر الله
ميتحرقش متمشوش وتسيبوه وتقولو انا السبب

التزيين بسكوت القهوة القديم

بقا براحتكم انا سيحت شكولاته علي بخار ميا وحطيت نص الكوكيز جوا وحطيتها ع ورق زبده
وبعدين دخلتها التلاجه الشكولاته تمسك وممكن نحط الكوكيزه كلها جوا الشكولاته
[highlight color=”yellow”]ملحوظه مهمه:[/highlight]
منعجنش كتير فيه عشان مينشفش واحنا شغالين نغطي العجين بكيس ونسحب منها
المكونات الجافه هنضيفها ع خليط السائل ونقلب باطراف صوابعنا بس منعجنش عشان مينشفش

هنا بعد ضرب خليط الزبده والبيض والسكر والفانليا والزيت
تمشوا ع خطوات زي منا شارحه ف البوست

قوام العجينه كده وناخد بمعلقه الشاي ونحاول نشكله بالطول

كده

نعمل شكل حبه القهوه بسيف المعلقه من النص

قبل الخبز ده شكله. ع فرن ساخن مسبقا ١٨٠ لمده ربع ساعه او ربع ساعه وخمس دقايق
الفرن شغال من تحت بس في الرف الوسط

ف الرف الوسط من الفرن ع الشبكه
بعد ما استوي

من جوا

بعد ما زيناه



الشكل النهائي اتمني تجربوه

افضل بسكوت مع القهوه